Кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің кезекті отырысында төраға Есімхан Құрманғазин жартыжылдықта атқарылған жұмыстың қорытындысын шығарды.

Өз есебінде ол өңірлік палатаның кәсіпкерлердің құқықтарын қорғау саласындағы жұмысының нәтижелеріне егжей-тегжейлі тоқталды.

Мәселен, 2021 жылдың 6 айында ӨКП-ға құқықтары мен мүдделерін қорғау үшін 92 өтініш келіп түсті, оның 52-сі оң шешілді. Қалғандары жұмыста. Осылайша, құқықтық блок сарапшылары жалпы сомасы 3,162 млрд.теңгеге кәсіпкерлердің мүліктік құқықтарын қорғады.

"Бизнестің құқықтарын қорғау жөніндегі өтініштердің құрылымы мынадай. 20,6% - лауазымды тұлғалардың іс - әрекетіне, 15% - жер қатынастарына, 13%-салық салуға, 13% - санитарлық-эпидемиологиялық салауаттылыққа және басқа да мәселелерге тиесілі. Жыл басынан бері кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі Кеңестің 6 отырысы өткізілді. Бүгінде Кеңес маңызды мәселелерді шешу үшін айтарлықтай беделді алаңға айналды. Биылғы жылы Кеңестің қарауына бизнес субъектілерінің 11 проблемалық мәселесі шығарылды, олардың 8-і оң шешімін тапты, қалғандары жұмыста. Кәсіпкерлердің құқықтарын бұзу бойынша кеңес 3 лауазымды тұлғаны жауапкершілікке тарту туралы ұсыныстарға бастамашылық етті, оның ішінде 2- уі тәртіптік жауапкершілікке тартылды", - деп атап өтті Есімхан Құрманғазин.

Бизнесті қорғау бойынша оң мысалдардың ішінде ол құқықтық блок сарапшыларының бірнеше жарқын жеңістерін атап өтті. Олардың ішінде - Мәртөк ауданы бойынша мониторингтік топтың лауазымды тұлғаларының заңсыз әрекеттерінен "BS-Exceed" ЖШС ЖҚС құқықтарын қорғау.

"Мониторингтік топтың лауазымды тұлғаларының мониторингтік іс-шаралар өткізу актісін жасау кезінде бұзушылықтары анықталды. Осыған байланысты прокурорлық қадағалау актісін енгізу үшін прокуратураға өтініш білдірді. Мәртөк ауданының прокуратурасы аудан әкімінің атына заңдылықты бұзушылықты жою туралы ұсыныс енгізді. Аудан әкімдігі прокуратураның ұсынысын толық көлемде орындады, жасалған бұзушылық актілері жойылды. Осылайша, кәсіпкердің 860 мың теңге сомасындағы мүліктік құқықтары қорғалды", - деп ӨКП құқықтық бөлімінің бастығы Нұрлан Махамбетов баяндады.

Сондай-ақ, құқықтық блок жұмысының нәтижесі "әкімшілік жауапкершілік туралы" ҚР Кодексінің 575-бабының 1-бөлігі бойынша "Нұр-Пейш" шаруа қожалығының басшысы А.Нұрписовты әкімшілік жауаптылықтан босату болды.

"Көліктік бақылау инспекциясының бас маманы әкімшілік құқық бұзушылық туралы хаттама толтырып, 100 АЕК көлемінде айыппұл салды. Шаруа қожалығының басшысы кәсіпкерлер палатасына жүгінді. Палата сарапшылары материалды зерделеу барысында әкімшілік заңнама нормаларының бұзылуын анықтап, прокурорлық ден қою шараларын қабылдау үшін прокуратураға жүгінді. Прокурорлық ден қою нәтижелері бойынша Ақтөбе облысының көліктік бақылау инспекциясының бас маманына қызметке толық сәйкес еместігі жарияланды. Әкімшілік құқық бұзушылық құрамының болмауына байланысты әкімшілік іс жүргізу тоқтатылды. Осылайша кәсіпкердің 328 мың теңге сомасындағы мүліктік құқықтары қорғалды", - деп ӨКП өкілі тағы бір мысалмен бөлісті.

Ағымдағы кезеңде Палата сарапшылары бизнес тарапынан 30 сот отырысына қатысты. Оның ішінде 10 Азаматтық іс бойынша шешім Кәсіпкерлер Палатасының қолдауының арқасында кәсіпкерлердің пайдасына шығарылды. Қазіргі уақытта төрт азаматтық іс бойынша қалған 16 іс бойынша сот талқылаулары жүріп жатыр және шешім мемлекеттік органдардың пайдасына шығарылды.

"Мысалы, палатаға "Иманғазина А.А." ЖК өкілі Батыс-2 шағын ауданындағы үйлердің бірінің тұрғындары тарапынан кәсіпкерлік қызметке кедергі келтіру фактісі бойынша жүгінді. Өтініштен келіп шығатыны, 2021 жылғы 09 Наурызда шығармашылық орталығына қайта жабдықтаумен жертөле үй-жайын қайта жоспарлауға рұқсат беру туралы қаулы алынды, сондай-ақ эпидемиологиялық маңыздылығы болмашы объект қызметінің (пайдаланылуының) басталғаны және тоқтатылғаны туралы Ақтөбе қалалық санитариялық-эпидемиологиялық бақылау басқармасына хабарлама жіберілді. Алайда, 11 наурыз 2021ж. ЖК пәтерлерінің үй-жайларына іргелес емес тұрғындардың көпшілігі іс-әрекеттерді заңсыз деп тану және ЖК Кәсіпкерлік қызметін тоқтату туралы сотқа талап арыз берген. Кәсіпкер, тұрғындар мен кондоминиум төрағасы жоғарыда аталған келтірілген кедергілерге байланысты  бизнес аша алмай отыр. Кәсіпкерлер палатасының сарапшысы сотқа қатысу үшін іс жүргізу құжаттарын дайындады. Ақтөбе қалалық сотының 2021 жылғы 13 мамырдағы шешіміне сәйкес, осы үйдің тұрғындарының "Иманғазин А.А." ЖК-ға қатысты іс-әрекеттерді заңсыз деп тану туралы талап арызы қанағаттандырусыз қалдырылды (барлық талаптар бойынша). Сот шешімі заңды күшіне енді", - деп кәсіпкерлердің құқықтарын қорғау жөніндегі кеңестің төрағасы Есімхан Құрманғазин тағы бір мысал келтірді.

Медиация кабинетінің жұмысына қатысты да бірқатар жұмыстар атқарылды. Жыл басынан бері 5 татуластыру рәсімі өткізілді. Оның ішінде сотқа дейінгі медиативтік екі келісім және сот талқылауы барысында үш бітімгершілік келісім бар.

Осылайша, көмектің арқасында «Жаңа Тұрмыс» ЖШС-мен «Үміт» Кредиттік серіктестігі» ЖШС-мен шарттық қатынастар шеңберінде дауды реттеу бойынша өтініш оң шешілді. ЖШС өтінішін қарау кезінде "КТ Үміт" ЖШС талап арызы сотта болған, осыған байланысты Палата сарапшылары тараптарды кәсіпкерлер палатасы алаңында медиативтік жұмыс жүргізу туралы жедел хабардар етті. Келіссөздер нәтижелері бойынша тараптар өзара шешімге келді және медиативтік келісім жасалды. Осы Келісім шеңберінде сот талап арызды қараусыз қалдыру туралы ұйғарым шығарды. Осылайша, тараптардың татуласуына және соттың тыйым салу туралы ұйғарымының жойылуына байланысты кәсіпкердің 32 млн.теңге сомасындағы мүліктік құқықтары қорғалды.

Ақпарат үшін, кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің төрағасы Есімхан Құрманғазин апта сайын сәрсенбі күні Ақтөбе облысы бойынша "Атамекен" кәсіпкерлер палатасында офлайн және онлайн жеке қабылдаулар өткізеді. Анықтама телефоны: +7 (7132) 744-602, 744-606, 744-608.