Ақтөбеде жеке секциялар мен үйірмелердің басшылары Dara bala жаңа платформасын талқылады

2023 жылғы 07 Ақпан

- Ақтөбе облысы

10797 просмотров

Балаларға қосымша білім беру мемлекеттік тапсырысын орналастыру платформасы бұрын қолданыста болған Artsport және Odoaktobe біріктіру арқылы әзірленген. Бағдарламадағы өзгерістер мен қажетті түзетулер Ақтөбе облысының кәсіпкерлер палатасы жанындағы Адами капиталды және әлеуметтік саясатты дамыту комитеті мен ШОБ комитетінің бірлескен отырысы барысында талқыланды.

Балаларға қосымша білім беру үшін мемлекеттік тапсырыс институты 2021 жылы енгізілді. Жеке білім беру ұйымдарында шығармашылық, спорттық және білім беру салалары бойынша тапсырыстар орналастырыла бастады. Ақтөбе облысында бұл процесс екі платформа — Artsport және Odoaktobe арқылы жүзеге асырылды.

Деректердің дұрыстығына, Аrtsport платформасы қызметінің ашықтығына қатысты бірқатар сын-ескертпелерден, жіберілген олқылықтардан кейін мемлекеттік тапсырысты ретке келтіру мақсатында әрбір облыс өз порталын әзірлеуге кірісті, деп түсіндірді облыстық білім басқармасының және ғылыми-практикалық орталықтың өкілдері Асхат Ізбасар мен Мақсат Бисекенов.

«Қазіргі уақытта Odoaktobe платформасы жетілдіріліп, үш бағытта жұмыс істеуге бейімделген Dara bala сайты қосылуда. Аrtsport порталынан жиналған ақпарат толығымен осы платформаға көшірілді. Жаңа платформаның ерекшеліктері: «1 бала — 1 үйірме» қағидаты сақталды, мемлекеттік және авторлық құқықпен қорғалған платформа, тек ЖСН-мен тіркеу мүмкіндігі, бос орындар мен кезектіліктің ашықтығы. Қазіргі уақытта мемлекеттік дерекқорлармен интеграция процесі жүргізілуде. Жаңа платформада жұмыс істеп тұрған жеткізушілердің қызметіне сараптама автоматты түрде жүргізілді», - деді Мақсат Бисекенов.

Дегенмен, қолданыстағы келісім-шарттардың ауысуы, оларды түзету және жаңа жеткізушілер бос орындарды күтуге тура келетіні айтылды. Жаңа жеткізушілер бос орындарды күтуі керек. Портал толығымен іске қосылады және қаржыландыру ашылғаннан кейін кезек тәртібімен өтінімдерді қабылдайды. Өтінімдерді қабылдау туралы Dara bala сайтында және әлеуметтік желілерде хабарланатын болады.

ШОБ комитетінің төрағасы Тәттігүл Талаеваның үйірмелердің қайталануы мүмкін деген қорқынышына ол жағы бақылауда деп жауап берді.

Бизнестің барлық ұсыныстарын қорытындылай келе, Қосымша білім беру қауымдастығының төрайымы Марина Деркач портал әзірлеушілеріне платформадағы операциялар бойынша бірқатар ұсыныстар айтты.

«2022 жылы белсенді білім беру ұйымдарын порталға қосуды және қаржыландыру ашылғанға дейін оларға өтінім беруге мүмкіндік беруді сұраймыз. Баланы аумақтылығы бойынша басқа оқу орталығына қалдырған кезде «ауыстыру» функциясын қосу, 4 жастан бастап балалармен жұмыс істеуге рұқсат ашу, «қайтару - кері» функциясын қосу, бір өтінімнің барлық табельдерін (топ бойынша емес) және олардың мәртебесін көруге мүмкіндік беріңіз. Сондай-ақ, орталықтар көрінетін барлық тізімдерде және өтініштерде, оларды бағыттар бойынша бөліңіз және НҚА да жазылмаған бағдарламаның қосымша интеграцияларын жойыңыз», - деді ол.

Соңында Адами капиталды дамыту және әлеуметтік саясат комитеті биылғы жұмыс жоспарын бекітті. Сондай-ақ, төрайымы Күлпаршин Айдарханова білім беру, денсаулық сақтау, мәдениет және креативті экономика, еңбек ресурстары және әлеуметтік кәсіпкерлік сияқты бес кіші комитеттің құрылғаны туралы жариялады.

«Кәсіпкерлерді белсенділік танытып, өз саласының мәселелерін талқылауға шақырамыз. Қазір салалық комитеттердің құрамын жаңарту жұмыстары жүргізілуде. Өңірлік кеңес өкілдерінен басқа белсенді ұстанымы бар кәсіпкерлер де қосылады. Кәсіпкерлер палатасымен бірлесіп сізді туындайтын проблемаларды пысықтауға шақырамыз. Біз тиісті мемлекеттік органдарға шығып, олармен айтылған мәселелерді шешу жолдарын талқылау үшін отырыстарымызға шақырамыз. Тиімді жұмыс пен кері байланыс үшін біз салалық чаттар мен арналар құрдық», - деді кәсіпкерлерге «Атамекен» ӨКП директоры Дана Бекбауова.