Алматы қаласының инфрақұрылымдық даму кеңесі жұмысын бастады

2024 жылғы 01 Қазан

- Алматы қаласы

2572 просмотров

Дереккөз: Алматы қаласының «Атамекен» ӨКП

Алматы қаласының «Атамекен» өңірлік кәсіпкерлер палатасы жанынан инфрақұрылымдық даму кеңесі өз жұмысын бастады. Мемлекет пен бизнес арасындағы өзара іс-қимылды жақсартуға жұмыс жасай отырып, Кеңес Алматыда инфрақұрылымдық жобаларды жоспарлауға және іске асыруға кешенді көзқарасқа қатысты өзекті мәселелер мен проблемаларды талқылауға арналған алаң ретінде қызмет ететін болады.

Кеңес инфрақұрылым саласына инновациялық шешімдерді енгізудің катализаторы ретінде әрекет ете отырып, мемлекеттік құрылымдар мен бизнес өкілдері арасында тиімді диалог құруға бағытталған. Өз жұмысында оның мүшелері қарастырылып отырған мәселелер бойынша сараптамалық пікірлер айтуға, барлық мүдделі тараптардың: жергілікті биліктің, бизнес-қоғамдастықтың және азаматтардың мүдделерін ескеруге ниетті. Яғни, белгілі бір буфер бола отырып, Мемлекеттік сатып алуды үйлестіруге, сондай-ақ процестің ашықтығы мен тиімділігін қамтамасыз ету үшін елішілік құндылыққа және бас мердігерлер, ЖАО мен өндірушілер арасындағы өзара іс-қимылға байланысты маңызды мәселелерді шешуге қатысу. Бұл үдерісте «Атамекен» кәсіпкерлер палатасы стратегиялар мен заңнамаларды әзірлеуге қатысудан бастап нақты жобалар мен бағдарламаларды іске асыруға дейінгі консолидатордың рөлін атқарады.

«Палата барлық кәсіпкерлердің игілігі болуы тиіс. Бұл кәсіпкерлер өз проблемаларын көтере алатын және арызданған кәсіпкерлердің мәселелерін көтеру, салалық сараптаманы шоғырландыратын алаң. Палаталар ретінде біздің міндетіміз – кәсіпкерлердің қажеттіліктерін басқару, жинау, жүйелеу, жергілікті атқарушы органдармен, комитеттермен және Министрліктермен, заңнамамен жұмыс істеу. Ал қажет болған жағдайда халықаралық серіктестер мен инвесторларды тарту», - деп атап өтті Өңірлік палата директоры Нұрсұлтан Шоқанов.

Алматы қаласының қарқынды өсуі жағдайында инфрақұрылымдық дамуға кешенді көзқарастың қажеттілігі ерекше өзекті болып отыр. Бірлескен күш-жігермен кеңеске қатысушылар инфрақұрылымды заманауи және тұрақты дамытуға бағытталған стратегияны тұжырымдауды жоспарлап отыр, бұл қала тұрғындарының өмір сүру сапасын жақсартуға ғана емес, сонымен қатар жаңа инвестициялар тартуға мүмкіндік береді. Кеңестің мүшелері бизнес жүргізуде, құрылыста, мегаполистің инфрақұрылымын қалыптастыруда, сондай-ақ мемлекеттік органдармен өзара іс-қимылда айтарлықтай тәжірибесі бар кәсіпорын басшылары болды. Өздерінің сараптамалық және беделді пікірлерін білдіре отырып, олар әртүрлі кедергілерді жоюға әсер ете алады және қажет болғанда әр жағдайдың егжей-тегжейін түбегейлі қарастыратын болады.

Кеңестің алғашқы отырысы таныстық түрде өтті. Мүшелердің әрқайсысы өз кәсібі туралы қысқа мәлімет келтіріп, төраға сайлауда Игорь Александрович Проценконы ұсынды. 30 жылдан астам кәсіпкерді жаңадан құрылған кеңес мүшелері жақсы таниды екен. Себебі, Игорь Проценко қоғам белсендісі, көптеген жылдар бойы қайта өңдеушілер одағының басқарма мүшесі, ҚР Жиһаз жасаушылар гильдиясының басқарма мүшесі, Алматы қаласы мәслихатының VIII шақырылым депутаты, қала әкімдігі жанындағы Іскерлік кеңестің мүшесі.