«Атамекен» Палатасы Қазақстан Президентінің «Алтын сапа» сыйлығын алуға өтінімдер қабылдайды
«Атамекен» Ұлттық кәсіпкерлер палатасы Қазақстан Республикасы Президентінің «Алтын сапа» сыйлығын алуға өтінімдер қабылдайды. Ол өнімдер мен қызметтердің сапасы саласындағы елеулі жетістіктері, олардың қауіпсіздігін қамтамасыз еткені, сондай-ақ сапаны басқарудың тиімді жүйесін енгізгені үшін беріледі.
Қатысуға қару-жарақ пен әскери техника өндірушілерді қоспағанда, Қазақстанда тауарлар өндірумен және қызметтер көрсетумен айналысатын дара кәсіпкерлер мен заңды тұлғалар шақырылады.
"Премия шағын, орта және ірі кәсіпкерлік субъектілеріне төрт номинация бойынша беріледі: "Өндірістік мақсаттағы үздік кәсіпорын", "Халыққа арналған тауарларды шығаратын үздік кәсіпорын", "Қызметтер көрсететін үздік кәсіпорын", "Азық-түлік тауарларын және/немесе ауыл шаруашылығы өнімдерін шығаратын үздік кәсіпорын". Байқауда "Үздік индустриялық жоба" және "Үздік инновациялық жоба" арнайы сыйлықтары қарастырылған", - дейді "Атамекен" Павлодар өңірлік кәсіпкерлер палатасының директоры Ерқанат Әбенов.
Байқауға қалай қатысуға болады?
1-қадам. 2025 жылғы 1 шілдеге дейін https://cabinet.altynsapa.kz/competition/ сілтемесі бойынша өтінім беру немесе Павлодар облысының Кәсіпкерлер палатасына жіберу. Өтінімдердің, сауалнамалардың нысандары Қазақстан Республикасы Президентінің «Алтын сапа» сыйлығын алуға арналған конкурсқа қатысушылардың материалдарын ресімдеу, ұсыну және алдын ала бағалау қағидаларына қоса берілген.
2 қадам. Сауалнама-декларацияны толтыру (ереженің 2-қосымшасы).
3 қадам. Конкурсқа қатысушының есебін қалыптастыру, ол мыналарды қамтуы тиіс: конкурсқа қатысушының қызметіне қысқаша шолу; әдістемелік ұсынымдарда көрсетілген сыйлық моделіне сәйкес белгіленген өзін-өзі бағалау критерийлерінің сипаттамасы (www.altynsapa.kz сайтында қолжетімді). Конкурсқа қатысушыға қысқаша шолу: конкурсқа қатысушының тарихын; өнімнің (көрсетілетін қызметтің) негізгі түрлерінің сипаттамасы; ұйымдық құрылымы; өнімнің (көрсетілетін қызметтің) сапасына қойылатын негізгі талаптар; өнімді өткізудің негізгі нарықтары немесе көрсетілген қызметтер (өңірлік, республикалық, халықаралық) туралы ақпаратты; өнімді (көрсетілетін қызметті) негізгі тұтынушылардың сипаттамасы; негізгі көрсеткіштер туралы ақпарат (ереженің 3-қосымшасы); конкурсқа қатысушының маңыздылығын білдіретін өзге де ақпарат.
4 қадам. Сапа саласындағы конкурсқа қатысушының қызметін өзіндік бағалау бойынша сауалнаманы толтыру, 3-қосымшаға сәйкес әдістемелік ұсынымдар (www.altynsapa.kz сайтында қолжетімді).
5 қадам. Құжаттар пакетіне келесілер қоса берілсін: мемлекеттік тіркеу (қайта тіркеу) туралы куәліктің көшірмесі не заңды тұлғаны мемлекеттік тіркеу (қайта тіркеу) туралы анықтама; менеджмент жүйесіне сертификаттардың көшірмесі.
Пікір қалдыру:
Пікірлер: